තෙරුවන් සරණයි ඔබ සියලු දෙනාටම!
මෙම ලිපි මාලාවේ පෙර කොටස් කියවූ ඔබව නැවතත් සාදරයෙන් පිළිගන්නවා. අද මෙම ලිපියෙන්, තෙවැනි ඇස සම්බන්ධ ප්රායෝගික භාවනාවේ තවත් අදියරක් ගැන, එනම් තුන්වන කොටස හෙවත් හිස් සංඥාව පිළිබඳව ගැඹුරින් සාකච්ඡා කිරීමට බලාපොරොත්තු වෙනවා.
මෙම භාවනා ක්රම නිවැරදිව සිදුකරන ආකාරය, භාවනාවට පෙර සහ අතරතුර කළ යුතු දෑ පිළිබඳව අපි පෙර ලිපි මාලාවන් ඔස්සේ පැහැදිලි කළා. ඔබ භාවනා කිරීමට අලුතින් යොමු වන කෙනෙක් නම්, මෙම ලිපි මාලාවේ මුල සිට පිළිවෙළින් කියවාගෙන එන ලෙස මම කාරුණිකව ඉල්ලා සිටිනවා. එය ඔබට මෙම ගමන වඩාත් පැහැදිලිව තේරුම් ගැනීමට උපකාරී වේවි.
අද තවත් වැදගත් දෙයක් සඳහන් කිරීමට කැමතියි. එනම්, භාවනා කිරීමට පෙර අනිවාර්යයෙන්ම කළ යුතු දෙයක් ලෙස අද සිට ඔබ සියලු දෙනාට මෙන්න මේ දේ කරන ලෙස පැවසීමටයි.
ඒ තමයි, භාවනාව ආරම්භ කිරීමට පෙර අප විසින් අනිවාර්යයෙන්ම කළ යුතු දෙයක් තිබෙනවා. එනම් උතුම් වූ බුද්ධ, ධම්ම, සංඝ යන ත්රිවිධ රත්නයෙන් සමාව අයැද සිටීමයි. අප අතින් දැනුවත්ව හෝ නොදැනුවත්ව යම් වරදක් සිදුවී ඇත්නම්, එයින් මිදී පිරිසිදු සිතින් භාවනාවට වාඩි වීම ඉතා වැදගත්.
මෙය පාලි භාෂාවෙන් සිදු කිරීමට කැමති අයට මෙසේ සඳහන් කළ හැකියි:
“කායේන වාචා චිත්තේන පමාදේන මයාකතං, අච්චයං කම මේ භන්තේ භූරිපඤ්ඤ තථාගත. අච්චයං කම මේ ධම්ම සන්දිට්ඨික අකාලික. අච්චයං කම මේ සංඝ සුපටිපන්න අනුත්තර.”
එහි සිංහල අර්ථය මෙසේයි:
“උතුම් වූ බුද්ධ, ධම්ම, සංඝ යන ත්රිවිධ රත්නයට, මගේ සිත, කය, වචනය යන තෙදොරින් දැන හෝ නොදැන යම් වරදක් සිදු වූවා නම්, එයට කමා කරන සේක්වා!”
මෙම ගාථාව හෝ එහි සිංහල අර්ථය තුන් වරක් සිතා ත්රිවිධ රත්නයෙන් සමාව අයැද, ඉන්පසු භාවනාව සඳහා වාඩිවෙන්න.
පළමු භාවනා ක්රමය සහ එහිදී ඇතිවන ශාරීරික සංවේදනයන්
පෙර ලිපියේදී අප සාකච්ඡා කළේ ඇහි බැමි දෙක අතර මැද බලාගෙන කරන භාවනාව පිළිබඳවයි. මෙම භාවනාව ප්රගුණ කළ බොහෝ දෙනෙක් තමන් ලැබූ අත්දැකීම් අප සමග පෞද්ගලිකව බෙදා ගත්තා. එම අත්දැකීම් අනුව, භාවනාවේදී විවිධ ශාරීරික සංවේදනයන් ඇතිවිය හැකියි.
උදාහරණ ලෙස:
- නළල මැද හෝ ඇහි බැමි දෙක අතර තද වීමක් දැනීම.එම ස්ථානය කැරකෙනවා සේ දැනීම.
- හිස උඩට අදිනවා වැනි හැඟීමක්.
- හිසේ කැක්කුමක් හෝ හිස මැද තද ගතියක් ඇතිවීම.
- කොන්ද මැද හෝ කොන්දේ පහළ කොටසේ තද ගතියක් දැනීම.
- සමස්ත ශරීරයම හිරවෙනවා වැනි හැඟීමක්.
මෙහි සඳහන් කළ දේවල් මෙන්ම, සඳහන් නොකළ වෙනත් ශාරීරික විපර්යාසයන්ද ඔබට අත්විඳීමට සිදුවිය හැකියි. මේවා භාවනා ක්රියාවලියේ ස්වභාවික කොටස් ලෙස සලකා නොසැලී ඉදිරියට යන්න. ඔබටත් යම් ගැටළුවක් හෝ බෙදාගැනීමට යමක් ඇත්නම්, ඒ සඳහා පෞද්ගලිකව කරුණු විමසා මගපෙන්වීම් ලබාගැනීමට අවස්ථාව පවතිනවා.
ශාරීරික සංවේදනයන්ට අමතරව, ඇහි බැමි දෙක අතර සිත පවත්වාගෙන භාවනා කරන විට විවිධ දෘශ්ය අත්දැකීම්ද ලැබිය හැකියි. මේවා ඔබගේ තෙවැනි ඇස විවෘත වීමේ මූලික ලක්ෂණ විය හැකියි.
- ආලෝක සංඥා: ඔබට කහ, නිල්, දම්, සුදු, හෝ රතු වැනි විවිධ වර්ණයන්ගෙන් යුතු ආලෝක පෙනෙන්නට පුළුවන්.
- වෙනත් දර්ශන: කළු කුහර හෝ ගුහා වැනි දේවල්, රැස් විහිදෙන ආකාරය, බුදුරජාණන් වහන්සේගේ රූපයක්, දෙවිවරුන්ගේ, බ්රහ්මයන්ගේ හෝ අමනුෂ්යයන්ගේ රූප රාමු පෙනෙන්නට පුළුවන්.
- ස්වභාවික දර්ශන: ලස්සන දිය ඇලි, ගංගා වැනි සොබා දහමේ දසුන්ද දිස්විය හැකියි.
මෙහි සඳහන් කළ හෝ නොකළ බොහෝ දේ ඔබට පෙනෙන්නට ඉඩ තිබෙනවා. මෙම අත්දැකීම් ලැබූ සහ භාවනාව ටික කලක් දියුණු කරගත් අයටයි අද ලිපියේ ඉදිරි කොටස වැදගත් වන්නේ.
භාවනාව දියුණු කිරීම: ‘හිස්’ සංඥාව ප්රගුණ කිරීම
දැන්, භාවනාව යම් මට්ටමකට ප්රගුණ කළ ඔබ වෙනුවෙන් මම අලුත් වචනයක් හඳුන්වා දෙනවා. ඒ තමයි ‘හිස්‘ කියන වචනය.
මෙම ‘හිස්‘ සංඥාව ප්රායෝගිකව භාවනාවට යොදාගන්නේ කෙසේදැයි අපි දැන් විමසා බලමු.
මෙහිදී වැදගත් කරුණක් ඇත. සමහර අයට මා ඉහත විස්තර කළ ආලෝක, රූප රාමු හෝ ශාරීරික සංවේදනයන් කිසිවක් නොපෙනෙන්නට, නොදැනෙන්නට පුළුවන්. ඒ ගැන කිසිසේත්ම කණගාටු වෙන්න එපා. ‘මට ඇයි මෙහෙම වෙන්නේ නැත්තේ‘ කියා සිතීම ඔබව දුර්වල කරනවා. සැමටම එකම අත්දැකීම් ලැබිය යුතුයි කියා නියමයක් නැහැ. අපගේ ‘ආධ්යාත්මික බලාපොරොත්තු‘ නම් ලිපිය කියවීමෙන් ඔබට මේ පිළිබඳව මනා අවබෝධයක් ලබාගත හැකියි. යම් හෙයකින් ශාරීරික සංවේදනයක් (හිසරදයක්, තදවීමක් වැනි) අත්විඳි පිරිස ඉතා බහුල වන අතර, කිසිවක් නොදැනුනු අය සිටින්නේ ඉතාමත් සුළු පිරිසක් (සියයට එකක් වැනි) පමණයි. ඉතින්, යම් අත්දැකීමක් ලැබූ ඔබට දැන් කළ යුතු වන්නේ ‘හිස්‘ සංඥාව ප්රගුණ කිරීමයි.
මෙම ‘හිස්’ සංඥාව මෙනෙහි කළ යුතු ආකාරය මම ඔබට පැහැදිලි කරන්නම්.
- සිත කලබලකාරී නම්: ඔබගේ සිතට සිතුවිලි අධිකව ගලා එනවා නම්, සිත වික්ෂිප්ත නම්, පෙර පරිදිම ඇහි බැමි දෙක අතර මැදට අවධානය යොමු කරන්න. ඉන්පසු, සෙමින් ‘හිස්‘ කියා සිතන්න. තත්පර තුනක් හෝ පහක් සැහැල්ලුවෙන් සිට නැවත ‘හිස්’ කියා සිතන්න. ‘හිස්… හිස්… හිස්…‘ යනුවෙන් කිසිදු වේගයකින් තොරව, කලබලයකින් තොරව, ඉතා සැහැල්ලුවෙන් මෙනෙහි කරන්න.
- සිත සන්සුන් නම්: ඔබේ සිත සන්සුන් නම්, ඇහි බැමි දෙක අතර බැලීමේ අවශ්යතාවයක් නැහැ. ඔබට කෙළින්ම, ඇස් මට්ටමේ අවකාශය තුළ සිත පවත්වාගෙන ‘හිස්‘ සංඥාව මෙනෙහි කළ හැකියි.
- නැවත සිත විසිරී ගියහොත්: භාවනාව අතරතුර නැවතත් සිත කලබල වුවහොත්, නැවතත් ඇහි බැමි දෙක අතරට අවධානය ගෙන ගොස් ‘හිස්‘ යන්න මෙනෙහි කරන්න. සිත සන්සුන් වූ පසු නැවතත් ඇස් මට්ටමේ අවකාශයට පැමිණෙන්න.
ඔබ භාවනා කරන කාලය පුරාවටම (විනාඩි 5, 10, 30, පැයක් හෝ ඊට වැඩි) මෙම ‘හිස්’ සංඥාව බහුලව භාවිතා කරන්න. මෙය ඔබගේ තෙවැනි ඇස අවදිවීමේ ක්රියාවලිය ඉතා සියුම්ව හා ඔබටත් නොදැනීම සිදුවීමට මග පාදයි.
තෙවැනි ඇස විවෘත වීම සහ එහි ප්රතිඵල
ආරම්භයේදී ඔබට පෙනෙන ආලෝක සංඥා යනු ඔබගේ තෙවැනි ඇස විවෘත වීමේ මූලික අවස්ථාවයි. ‘හිස්’ සංඥාව බහුලව ප්රගුණ කරද්දී, සමහර අයගේ තෙවැනි ඇස සම්පූර්ණයෙන්ම විවෘත විය හැකියි.
එවිට, ඔවුන්ට භාවනාවේ සිටින විටම තමන්ගේ නිවසේ සිටින අය, නිවසේ කාමර, හෝ තමන් සිටින පරිසරය ඉතා පැහැදිලිව පෙනෙන්නට පටන් ගනී. යම් ස්ථානයකට ගිය විට, එම ස්ථානයේ සිටින අයව පෙනේ.
උදාහරණයක් ලෙස, නිවසක අමනුෂ්ය බලවේගයක් ඇත්නම් එය පෙනෙන්නටත්, පන්සලක හෝ බෝධියක් අසල වෘක්ෂ දේවතාවෙක් සිටී නම්, එම දෙවියන්ව පෙනෙන්නටත් පුළුවන. මෙය සිදුවන්නේ ඔහුගේ ආලෝක සංඥාව දියුණු වී තෙවැනි ඇස සම්පූර්ණයෙන් විවෘත වීම නිසයි.
නමුත්, නැවතත් කිව යුතුයි, පළමු අදියරේදී ආලෝක හෝ රූප නොපෙනෙන අය මේ ගැන කලබල විය යුතු නැහැ.
විවිධ අත්දැකීම් සහ බිය නොවී සිටීමේ වැදගත්කම
මෙම භාවනා ගමනේදී ඔබට දෘශ්ය අත්දැකීම් වලට අමතරව වෙනත් ඉන්ද්රිය අත්දැකීම්ද ලැබිය
සමහර විට භයානක ශබ්ද ඇසෙන්නටත්, තවත් විටෙක ඉතා මිහිරි, ලස්සන සංගීතමය ශබ්ද ඇසෙන්නටත් පුළුවන්. දුර්ගන්ධයන් දැනෙන්නටත්, ඒ වගේම ජීවිතයේ කවදාවත් නොවිඳි ඉතා සුවඳවත් සුවඳවල් දැනෙන්නටත් පුළුවන්. මේ කිසිම දෙයකට බිය විය යුතු නැහැ.
මෙම අත්දැකීම් ඔබට ලැබෙන්නේ ඔබ සංසාරයේ රැස් කළ පින් සහ කුසල් අනුව මෙන්ම, භාවනාව ප්රගුණ කළ මට්ටම අනුවයි. ‘මට මේවා දැනුනේ නැහැ‘ කියා කිසිසේත් කලබල නොවන්න. ඔබට මේ ගැන තවත් වටහා ගත හැකියි අපගේ “ආධ්යාත්මික බලාපොරොත්තු” නම් ලිපිය කියවීමෙන්.
භාවනාව කරගෙන යද්දී ඔබට යම් ප්රශ්නයක්, අපහසුතාවයක් හෝ භයානක බවක් දැනුනොත්, අප ඔබට කියා දී ඇති මෛත්රී භාවනාව ප්රගුණ කරන්න. පිරිත් සජ්ඣායනා කරන්න. අධිෂ්ඨාන කරන්න. මෙම ආරක්ෂක විධික්රම ඔබට කියා දී ඇත්තේ, භාවනා ගමනේදී අවශ්ය වන ආරක්ෂාව සහ ආධ්යාත්මික ශක්තිය ලබා දීමටයි.
මෙම කරුණු වටහාගෙන, භාවනාව නිවැරදිව ප්රගුණ කරගෙන යන්න. ඉදිරියේදී, තෙවැනි ඇස තවදුරටත් දියුණු කරගන්නා ආකාරය සහ ඉහළ ආධ්යාත්මික තලයන් කරා යන ආකාරය පිළිබඳව තවත් බොහෝ දේ මම ඔබට කියා දීමට බලාපොරොත්තු වෙනවා.
මේ සඳහා ඔබට අවශ්ය ශක්තිය, ධෛර්යය සහ ත්රිවිධ රත්නයේ ආශිර්වාදය නොඅඩුව ලැබේවා! ඒ ආරක්ෂාවෙන් ඔබට ප්රඥාව පහළ වේවා! ආධ්යාත්මික ශක්තීන් ලැබේවා!
මේ උතුම් මඟෙහි අප සමඟ එක්ව ගමන් කිරීමට ඔබටත් අපි ආරාධනා කරමු. අපගේ ඉගැන්වීම් කියවා, සියල්ලටම වඩා වැදගත් ලෙස, ඒවා ඔබගේ ජීවිතයට ප්රායෝගිකව යොදාගන්න. ඔබ ලබන අත්දැකීම් සහ ඔබට ඇතිවන ගැටළු, අපගේ ලිපියට පහළින් ඇති අදහස් තීරුවේ සටහන් කරන ලෙස අපි ඔබව දිරිමත් කරන්නෙමු. ඔබ අසන ප්රශ්න, ඔබගේ අවශ්යතාවලටම ගැලපෙන ලෙස ඉදිරි ලිපි සහ වීඩියෝ සකස් කිරීමට අපට මහත් උපකාරයක් වනු ඇත. එමෙන්ම, වෙබ් අඩවියේ ඇති ‘Contact Us‘ පෝරමය හරහා ද ඔබට අප හා සම්බන්ධ විය හැකිය.
අපගේ මෙම උත්සාහය, ඔබ තුළ සැඟවී ඇති ආධ්යාත්මික බීජය, එනම් සමාධිය, ධ්යාන සහ අභිඥා වැනි ගුණාංග පෝෂණය කිරීමයි.
අප සමඟ එක් වූ ඔබට ස්තූතියි. මෙම වෙබ් අඩවිය ඔබගේ අධ්යාත්මික ගමනට මහත් ශක්තියක් වනු ඇතැයි අපි බලාපොරොත්තු වෙමු.
ඔබ සැමට තෙරුවන් සරණයි!
